Охрид

Почетокот на новата академска година Факултетот за туризам од Охрид го одбележи со потпишување на договор за соработка со Агенцијата за промоција и поддршка на туризмот на Република Македонија.

Советот на општина Охрид на денешното продолжение на шестата седница, едногласно ја изгласа одлуката за подигање на спомен обележје на Св. Наум Охридски во центарот на Охрид.

Бродосопствениците од Охрид поведоа иницијатива за потпишување петиција за фер судење на нивниот 23- годишен колега Сотир Филески, кој го управуваше со бродот „ Илинден ", што потона на 5 - ти

септември при што се удавија петнаесет бугарски туристи. Истрага без притисоци и политичка конотација, побараа охридските капетани, сопствениците на бродови и граѓани на Охрид, кои формираа иницијативен одбор за формирање на Здружение за утврдување на вистината за несреќата на бродот „Илинден".

Советот на општината утре, 14. Септември, со почеток во 10 часот ќе ја продолжи шестата седница која ја започна на 4. овој месец. Тогаш, членовите на Советот го утврдија дневниот ред по кој ќе се работи и ги донесоа одлуките кои се однесуваа на давање согласност за формирање паралелки со помалку од 25 ученици во основните и средните училишта на подрачјето на општината, како и одлуката за условите под кои ќе се користат спортските сали во училиштата од страна на спортските клубови и здруженија на граѓани. Седницата беше прекината според претходно постигнатиот договор на координаторите на советничките групи, а продолжението на седницата за 14. овој месец беше закажано уште тогаш.

Општинската организација на СДСМ од Охрид, згрозена од ноншалантниот и неодговорниот однос на Владата кон последните настани случени во Охрид на денешната прес-средба укажа уште еднаш дека „како резултат на игнорирањето на Охрид и неговите граѓани од страна на владата на Груески, на Охрид му се нанесуваат само штети“.

Македонската Асоцијација за човечки ресурси на 11 и 12 септември во Охрид ја организира првата Меѓународна конференција за човечки ресурси. Таа ќе биде посветена на темата „ Како човечките ресурси придонесуваат за успехот на вашата компанија?".

Од сребро со чистота од 925 промили и 24 каратна позлата е изработен орденот „8 Септември". Денес, по повод денот на независноста, по чиј датум е и именувано ова признание, орденот ќе го добие поранешниот претседател на Германија Роман Херцог. Шефот на државата Ѓорге Иванов ќе го одликува Херцог со свечена церемонија во Охрид која се најавува дека ќе биде организирана со највисоки државни почести. Поранешниот германски претседател кој беше на чело на државата од 1994 до 1999 година по професија е судија и како член на комисијата предводена од експертот по уставно право Роберт Бадентер најмногу се залагал за позитивното мислење кое и беше дадено на Македонија. Затоа сега е одлучено покрај самиот Бадентер и поранешниот американски амбасадор во Македонија Кристофер Хил, следниот странец што ќе го добие ова одликување да биде токму Херцог.

Младински Совет Охрид, според старите охридски обичаи, во куќата на Робевци, им се заблагодари на донаторите за поддршката која им ја даваат за реализација на младинските програми.

Делегација на Охрид предводена од градоначалникот Александар Петрески, во чиј состав се и претседателот на советот, Душко Јаковчески и членот на Советот на општината, Борис Стефаноски, во Пиркоп, Република Бугарија, пратпалднево се прости од трагично настраданите бугарски туристи  во бродската несреќа што се случи на 5. Септември во Охридското Езеро.

Фото Галерија

Поврзете се со нас

За нас

МX - Радио е радио станица која емитува сигнал на подрачјето на Охрид, Струга, Дебар, Кичево.