НОЌ ЗА ПАМЕТЕЊЕ - СПЕКТАКУЛАРЕН КОНЦЕРТ НА СЕРГЕЈ ЧЕТКОВИЌ ВО ОХРИД

Објавено во Охрид Недела, 07 Јануари 2018 23:14

Охрид и охриѓани покажаат дека можат и дека се подготвени за големи настани. Црногорската ѕвезда Сергеј Четковиќ синоќа на преполниот плоштад во Охрид одржа спектакуларен концерт, кој долго ќе се памети.

Истиот беше круна на Божиќниот викенд во Охрид и е дел од настаните предвидени во рамките на проектот „Од 20-ти до 20-ти СИТЕ ВО ОХРИД“. Ладното време не беше никаква пречка за посетителите кои на почетокот уживаа во музиката на Ѓоко Танески и неговиот бенд, по што на сцената се качи Четковиќ кој имаше професионален настап и оствари одлична комуникација со публиката. Тој ги исполни во живо неговите најголеми хитови „Погледи у тами“, „Пола мога свијета“, „Ако те није“ и многу други на задоволство на посетителите. Концертот кој беше заокружен со настапот на Dj Regie Rules помина во најдобар ред и е настан кој долго ќе се памети. Вечерва на малата сцена гостите и охриѓани ќе ги забавуваат нашите Жармена и Китроз кои ќе се претстават со посебно подготвена програма. Од остатокот на програмата ги имаме и новогодишната театарска претстава - ПХВ Шоу (Промоција на хумани вредности Шоу) од Клубот на млади при ООЦК Охрид, Трката на келнерите, за најмладите деновите посветени на вкусните пици и палачинките, Изложбата на отворено на најубави фотографии од Охрид, промоцијата на книгата „Охрид во 10“, Фестивалот на графити и модерна уметност... Од музичката програма тука се настапите на нашите Камелеон, Бекдор бенд, Жармена и Китроз, Денис Мурат и Бетис Бубс, а од поголемите настани, на 13-ти, за Стара Нова година ќе уживаме во музиката на Љубојна, а на 19-ти јануари за големиот верски празник Водици ќе настапат Фолтин, со што ќе биде крунисана целата манифестација.

Видео од синоќешниот концерт е објавено на општинскиот YOUTUBE канал:

 

https://www.youtube.com/watch?v=TV5PUXuwtA8&feature=youtu.be

Фото Галерија

Поврзете се со нас

За нас

МX - Радио е радио станица која емитува сигнал на подрачјето на Охрид, Струга, Дебар, Кичево.