Велика Британија најави дека ќе ги заостри правилата за издавање студентски визи со цел да се спречи злоупотреба на прописите и илегална работа. Од министерството за внатрешни работи рекоа дека согласно новите правила,
на оние што доаѓаат во Британија на курсеви пократки од шест месеци нема да им се дозволи со себе да носат блиска личност, потоа дека ќе се намали бројот на дозволени работни часови од 20 на 10, како и дека ќе се бара повисоко ниво на познавање на англискиот јазик.
