Спортско риболовниот клуб Свети Апостол Петар од Охрид спроведе анкета на 300 ученици од петто до 8 одделение на тема „рибите во Охридско Езеро". Добиените резултати се фрапантни, сто проценти од учениците не ги знаат рибите кои живеат во Охридското Езеро а 99% од анкетираните ученици незнат да ја разликуваат охридската пастрмка од другите видови риби.
Потикнати од оваа анкета СРК Св.Апостол Петар во основното училиште
Христо Узунов на ученици од шестто оделение на споени часови од предметот „Истражување на родниот крај" , со одобрение на директророт и предметниот наставник одржа предавање на тема „ рибите во Охридското Езеро" . Димче Мајковски преставник на клубот Свети Апостол Петар на учениците им ги презентира рибите кои живеат во Охридкото Езеро и нивните основни карактеристика за да можат да ги разликуваат. На истото предавање 
Дејан Паноски од Билатералниот секретаријат за зажтита на Охридското Езеро одржа предавање на тема „Заштита на животна средина и биодиверзитетот". Ова е прво пилот предавање на овие теми. СРК Св.Апостол Петар заедно со Билатералниот секретаријат за заштита на Охридското Езеро ќе одржи предавања на оваа тема и во другите основни училишта во Охрид и Струга.
