MX Радио

Охрид може да биде горд на својот сограѓанин, Мишко Танески. По врвот на Африка - Килиманџаро и Ајланд Пик на Хималаите, охридскиот планинар Мишко Танески тргнува во освојување на Аконкагва, највисокиот врв на јужната земјина полутопка, висок 6.965 метри. Танески во изјава за МИА вели дека физички и психички е подготвен за новиот предизвик.  „ Оваа акција во Јужна Америка ја организиарам сам. Експедицијата од Србија со која требаше да патувам во Аргентина, на 20 дена пред поаѓањето го откажа своето учество така што морав да се снаоѓам самостојно " - рече Танески и појасни дека заедно со уште еден негов колега од Канада успеале да соберат помала група планинари од Бразил, Чиле, Франција и САД. Танески походот на Аконкагва го почнува на 1 февруари од Мендоза во Аргентина и очекува доколку се се одвива според планираното, по две седмици експедицијата да стигне на врвот.